Dankoffer

Meer oor die Finansiële Bediening

Die Finansiële Bediening fokus daarop om, in ooreenstemming met die visie en die missie van
die gemeente, alle betrokkenes voortdurend te herinner dat ons bestuurders is van God se
huishouding. Deel hiervan is dat die Bediening in afhanklikheid van die Here aanhoudend soek
na Sy wil vir die besteding van die dankoffers en offergawes.

Rentmeesterskap

Die gemeente glo en leef vanuit die waarheid dat ons rentmeesters is van God se koninkryk
op aarde. Die grondbetekenis van die Bybelse woord vir rentmeesterskap dui op:

• die bestuur van ’n huishouding (gewoonlik vir iemand anders);
• dit sluit die verantwoordelikheid in vir alles in die huishouding — nie net finansies nie.

Vanuit ’n Bybelse perspektief glo ons dat:

• die gee van offers (jaarlikse of maandelikse dankoffers, asook offergawes tydens ’n
  erediens) ’n daad van aanbidding is (1 Kor. 16:2);
• offers gegee word in verhouding met jou inkomste (2 Kor. 9:7a);
• offers volgens 2 Kor. 8:1–15 ’n voorbeeld is van oorvloedige vrygewigheid (v2),
  buitengewone offervaardigheid (v3), totale betrokkenheid (v4), ’n lewende geloof en algehele
  toewyding en oorgawe (v5), en buitengewone vertroue in God (v12).

Christelike rentmeesterskap is vir ons:

• die gelowige se reaksie op die vernuwende liefdeswerk van die Here;
• ’n manier waarop ons ons hele lewe en al ons besittings bestuur;
• wat jy doen nadat jy sê: “Ek glo!”;
• versorging van alles wat God aan jou toevertrou het;
• die vrug van saligmakende geloof.

Rentmeesterskap gaan dus nie net oor geld nie, maar ook oor geld: dit is die wyse waarop ons
as nuwe mense in Christus ons hele lewe en al ons besittings onder leiding van die Heilige Gees
bestuur — tot eer van God en tot uitbreiding van Sy koninkryk.

Mense wat vreugde vind in hul rentmeesterskap, glo dat:

• gee ’n dankbare reaksie is op God se liefde;
• om te gee sin en betekenis aan die lewe gee;
• dit goed is om ander wat in nood verkeer te help;
• dit ’n geestelike reaksie is op God se gawe van verlossing;
• gee aan mense wat hulle vertrou.